政府還富於民，有錢剩，淡淡定

財爺宣佈派錢$6,000大元，兼退稅$6,000大元，前後派$12,000大元，一宣佈完，朋友們已經奔走相告，喜氣洋洋。

財政預算案搞一大輪，實在令人不明所以。早知要派$12,000，一早寬減薪俸稅，豈不簡單、直接、節省行政費，又經過測試無危機嗎?

他反口覆舌又好，政治危機又好，危險先例又好，打工仔交咗咁多年稅，第一次「現dull dull」收錢，總之開心。

財爺年年計錯數，巿民不會要求他計算得分毫不差，但今年有900多億盈餘，即計錯數900多億，才可以闊綽地豪擲400億還富於民。派400億是優差，又竟然派得怨聲載道，實在一絕。

其實財爺並非開了一個不良先例，他用心良苦，利用大好時機，讓平時從不留意財政預算案的巿民都金睛火眼，監察政府有沒有計錯數。

今後，大家都睇實盤數，暗中希望財爺計錯數，年年錯，年年派，淡淡定，有錢剩。